LG kir yuvish mashinasi bilan qishga qanday tayyorlanish kerak

Qish yaqinlashgan sayin garderobimizni sovuqqa qanday yaxshiroq tayyorlash haqida o‘ylay boshlaymiz. Zamonaviy kir yuvish mashinasi bu vazifani ancha yengillashtirishi mumkin - u tufayli kiyim-kechak va to‘qimachilik mahsulotlarini parvarish qilish osonroq va qulayroq bo‘ladi. Ushbu maqolada LG kir yuvish mashinasi yordamida qishga qanday tayyorgarlik ko‘rish, shuningdek, vaqt va resurslarni qanday tejash haqida so‘z yuritamiz.

TurboWash™39 va AI DD™ bilan yozgi kiyimlarni saqlashga tayyorlash

Qishki kiyimlarga o‘tishdan oldin yozgi kiyimlarni saqlashga tayyorlash zarur. Yengil narsalarni keyingi mavsumgacha yangi holatda saqlashga to‘g‘ri yuvish va qadoqlash yordam beradi. LG TW4V9EW9P  kir yuvish mashinasining TurboWash™ 39 funksiyasi tufayli bu jarayonni juda tez va samarali bajarish mumkin: atigi 39 daqiqada kiyimlar toza va qadoqlashga tayyor bo‘ladi. Shunday qilib, qisqa vaqt ichida butun oila a’zolarining kiyimlarini saqlash uchun yig‘ishtirib qo‘yishingiz mumkin.

AI DDTM texnologiyasi mato turiga qarab kir yuvish sozlamalarini avtomatik ravishda tanlash orqali sizga yanada ko‘proq qulaylik yaratadi. Bu kiyimlarning ortiqcha yeyilishining oldini oladi va kiyimlarni yaxshi holatda saqlaydi. Yozgi kiyimlarni shunday ehtiyotkorlik va tezlik bilan yuvgandan so‘ng, ularni bemalol qadoqlab, keyingi mavsumgacha shkafga olib qo‘yish mumkin.

Qishki kiyimlarni to‘g‘ri yuvish va parvarishlash

Qishki kiyimlar, ayniqsa par va kurtkalar, ularning issiqlik izolyatsiya xususiyatlari va shaklini saqlab qolish uchun yuvishda alohida yondashuvni talab qiladi. Bunday nozik buyumlarni parvarish qilish uchun LG TW4V9EW9P kir yuvish mashinasidagi "Parli buyumlar" kir yuvish siklidan foydalanishingiz mumkin (kir yuvish oldidan buyumni kir yuvish mashinasida yuvish mumkinligini tekshiring). To‘g‘ri yuvish dasturini tanlash par buyumlarni deformatsiyadan himoya qiladi va ularning xizmat muddatini uzaytirib, hajmi va yumshoqligini saqlashga yordam beradi.

Qish mavsumida uyni shinam qilish uchun to‘qimachilik mahsulotlari va aksessuarlar tayyorlash

Qishda uyda qulay va shinam muhit yaratish alohida ahamiyatga ega bo‘lib, bunda ko‘rpa va odeyal kabi issiq to‘qimachilik mahsulotlari katta rol o‘ynaydi. Yilning sovuq kunlarida bu narsalardan faol foydalanishdan avval ularni yuvib olish lozim. Paxta mahsulotlarini chang va allergenlardan tozalash hamda sovuq mavsumga tayyorlash uchun "Gipoallergen" kir yuvish rejimidan foydalaning.

LG ThinQ™ bilan boshqarish qulayligi

Zamonaviy hayot maromi, ayniqsa, uy ishlari uchun qulay va puxta o‘ylangan yechimlarni talab qiladi. LG kir yuvish mashinasi LG ThinQ™ ilovasi orqali boshqarilishi mumkin, bu esa kir yuvish jarayonini uzoqdan turib ishga tushirish va nazorat qilish imkonini beradi. Buning ustiga, ilova orqali siz kir yuvish sikllarining qo‘shimcha dasturlarini yuklab olishingiz mumkin. Sikl tugaganligi haqidagi xabarnomalar esa kiyimlaringiz qachon yuvilganidan doimo xabardor bo‘lishingizga yordam beradi.

LG kir yuvish mashinasi bilan qishga tayyorgarlik ko‘rish - kiyimlar va matolarni parvarishlash bo‘yicha mavsumiy vazifalarni bajarishning qulay va samarali usulidir. TurboWashTM 39, AI DDTM va LG ThinQTM kabi zamonaviy funksiyalar kir yuvish jarayonini yanada qulay va samarali qilishga yordam beradi. Endi siz yozgi kiyimlarni saqlashga tezda tayyorlay olasiz, qishki kiyimlarni ehtiyotkorlik bilan yuva olasiz va maishiy to‘qimachilik mahsulotlarini tartibga keltira olasiz. LG kir yuvish mashinasi ishonchli yordamchingizga aylanib, sizga qulaylik va qish quvonchlaridan bahramand bo‘lishingiz uchun ko‘proq bo‘sh vaqt taqdim etadi.